But bring a Scotsman frae his hill,
Clap in his check a Highland gill,
Say, such is royal George’s will,
An’ there’s the foe,
He has nae thought but how to kill
Twa at a blow.
Nae could faint-hearted doubtings tease him;
Death comes, wi’ fearless eye he sees him;
Wi’ bluidy han’ a welcome gies him;
An’ when he fa’s,
His latest draught o’ breathin’ lea’es him
In faint huzzas!
Sages their solemn een may steek,
An’ raise a philosophic reek,
An’ physically causes seek,
In clime an’ season;
But tell me whiskey’s name in Greek,
I’ll tell the reason.
Scotland, my auld, respected mither!
Tho’ whiles ye moistify your leather,
Till whare ye sit, on craps o’ heather
Ye tine your dam;
Freedom and whiskey gang thegither!—
Tak aff your dram!
FOOTNOTES:
[46] Sir Adam Ferguson.
[47] The Duke of Montrose.
[48] A worthy old hostess of the author’s in Mauchline, where he sometimes studies politics over a glass of guid auld Scotch drink.