Sit nomen Domini benedictum.
Rubrick.—The King shall answer,
Ex hoc nunc et usque in seculum.
Rubrick.—Then shall the Chaplain say this Collect following, praying for the Sick Person or Persons.
Domine exaudi orationem meam [nostram].
Rubrick.—The King shall answer,
Et clamor meus [noster] ad te veniat.
Oremus.
Omnipotens sempiterne Deus, salus æterna credentium, exaudi nos pro famulis tuis, pro quibus misericordiæ tuæ imploramus auxilium, ut, redditâ sibi sanitate, tibi in Ecclesiâ tuâ referant actiones. Per Christum Dominum nostrum. Amen.
Rubrick.—This Prayer is to be said secretly, after the Sick Persons are departed from the King, at his pleasure.
Dominator Domine Deus Omnipotens, cujus benignitate cæci vident, surdi audiunt, muti loquuntur, claudi ambulant, leprosi mundantur, omnes infirmorum curantur languores, et à quo solo donum Sanationis humano generi etiam tribuitur, et tanta gratia pro incredibili tuâ ergà hoc regnum bonitate, Regibus ejusdem concessa est, ut solâ manuum illorum impositione, morbus gravissimus fœtidissimusque depellatur: concede propitius ut tibi propterea gratias agamus, et pro isto singulari beneficio in nos collato, non nobis ipsis, sed nomini tuo assiduè gloriam demus, nosque sic ad pietatem semper exerceamus, ut tuam nobis donatam gratiam non solùm diligenter conservare, sed indies magis magisque adaugere laboremus; et præsta ut quorumcunque corporibus in nomine tuo manus imposuerimus, hâc tuâ virtute in illis operante et nobis ministrantibus, ad pristinam sanitatem restituantur, eam conservent, et pro eâdem tibi, ut summo Medico et omnium morborum depulsori, perpetuò nobiscum gratias agant; sicque deinceps vitam instituant, ut non corpus solùm ab infirmitate, sed anima etiam à peccato omnino sanata videatur. Per Dominum nostrum Jesum Christum Filium tuum, qui tecum vivit et regnat in unitate Sancti Spiritûs, per omnia secula seculorum. Amen.[220]