Tu quoq: frater ita carnis contagia vita
Vt placeas Christo, mundo dum vivis in isto.
Nec tibi sint curae res ad nihilum rediturae.
Quae cito labuntur, multoq: labore petuntur.
Cur homo laetaris quia forsan cras moriaris?
Per nullam sortem poteris depellere mortem.
Cur caro laetaris quia vermibus esca pararis?
Hic, locus est flendi, sed ibi est peccata luendi.
Postea gaudebunt qui nunc sua crimina flebunt.
Iam non laetetur qui gaudia summa meretur.