Virtutum munus praestare potest Deus unus.
Qui sic servorum docet intus corda suorum.
Qui bona sectantur, vel qui purè meditantur.
Sic Dominus mores levat illos ad meliores,
Quos penitentes videt auxiliumque petentes,
Ergo fide purâ Christo te subdere cura.
Auxilio cujus fugias mala temporis hujus
Atria sunt caeli verè patefacta fideli.
Semper ibi vives divino munere dives
Si vis sincerè Domini praecepta tenere.