And ye that in sondry colours ar arayde.
Ye garded galantes wastinge thus your goode
Come nere with your Shertes brodered and displayed.
In fourme of Surplys. Forsoth it may be sayde.
That of your Sort right fewe shal thryue this yere.
Or that your faders werith suche Habyte in the Quere.
And ye Jentyl wymen whome this lewde vice doth blynde
Lased on the backe: your peakes set a loft.
Come to my Shyp. forget ye nat behynde.
Your Sadel on the tayle: yf ye lyst to sit soft.