Is nere dekayed, to kepe thy lewde lyuynge.
And by example of the, thy yonge children to brynge.
Into a vicious lyfe: and all goodnes to hate.
Alas age thus thou art the Fendes bate.
Of the erudicion of neglygent faders anenst theyr chyldren.
That fole that suffreth his Chylde for to offende
Wythout rebukynge, blame, and correccion.
And hym nat exhorteth, hymselfe to amende.
Of suche fawtes as by hym ar done.
Shal it sore repent: god wote howe sone
For oft the faders foly, fauour, and neglygence
Causeth the Chylde for to fall to great offence
A myserable Fole euermore shal he be.