Of disordred loue and veneryous.
Here drawe we folys mad togyther bounde
Whom Uenus caught hath in hyr net a snare
Whose blynde hertes this forour doth confounde
Theyr lyfe consumynge in sorowe shame and care
Many one she blyndeth alas fewe can beware
Of hyr dartes hedyd with shame and vylany
But he that is wondyd can skant ynde remedy
O cruel Uenus forsoth who doth insue
Thy flaterynge gylys and proude commaundement
And hastyth nat the dartis to eschewe
Of blynde Cupido but folowys his intent
Suche folys endure moche sorowe and turment
Wastynge theyr goodes dishonestynge their name
As past fere of god and sekynge after shame