And your gay byldynges and howses leue behynde
Thynke ye your conforte alway in them to fynde
Or whan ye dye, them hens with you to haue
Nay nay the laste hous gyuen to mankynde
Is the course grounde and walles of his graue.
Of glotons and dronkardes.
That gloton or dronkarde, vyle in goddes sight
Shall hardly escape the weyght of pouertye.
Whiche drynketh and deuoureth both day and nyght
Therin onely settynge all his felycyte
His lothsome lust and his bestyalyte
Shall brynge vnto destruccion fynally
His soule, his godes and his wretchyd body.