Here me and do thy herte therto aply
If thou by fortune any ryches fynde
Callynge it thyne: thou lyest therin falsly
If thou haue wyt thou canst nat well deny
But that gode nat gyuen, nor gottyn by laboure
Can nat be rightwyse: thus mende thy blynde erroure
If thou ought fynde that longeth nat to the
Than is it anothers, the case is clere and playne
Wherfor thou ought of lawe and of dewte
Unto the owner it soone to yelde agayne