I trouth exalte: and vycious men dispyse
Lerne of me wysdome cast out your couetyse
For by my myght craft and wyse prouysicion
Kynges vnto their dygnyte dothe ryse
Theyr septers gydynge by my monycion
I gaue them lawes to gyde eche regyon
In welthe defendynge and in prosperyte
Them and theyr royalmes whyle they gyde them by me
All maner nacyons that doth to me inclyne
I gyde and gouerne by lawe and equyte