Let this fals traytour no place amonge you fynde
Graunt hym no rowne in churche nor in quere.
For this is sure ye shall all leue behynde
We haue no Cyte, nor place abydynge here
Of them that prolonge from day to day to amende themselfe.
He that cras cras syngeth with the crowe
Deferrynge the tyme of his amendement
Amonge our folys, in this our shyp shall rowe
For his presumpcion, dull mynde and blynde intent
What knowe these folys whether god omnypotent
Wyll graunt them to lyue vntyll another day.
Wherfore we ought to mende vs whyle we may.
If vnto any almyghty god doth sende