Were outher stonyd or els openly brent
Wherfore syns goddes son omnypotent.
Confermed hath the olde testament with the newe
Auoutrers nowe deserue that same punysshement
But well is to them, that stedfast ar and trewe
Of hym that nought can and nought wyll lerne, and seyth moche, lytell berynge away, I mene nat theuys.
He is a fole, and so shall he dye and lyue
That thynketh hym wyse, and yet can he no thynge
And though he myght he wyll nat set nor gyue
His mynde to good maners, vertue nor cunnynge.
So is he a fole that doth to market brynge
His Gese fast bounde, and game or sporte to se
Lowsyth theyr fete, and suffreth them to fle