This folysshe youth to hir wyll nat denay
But vnto hir some lepe both nyght and day
Without mesure, rennynge to lese theyr lyfe
As ox or shepe vnto the bochers knyfe
The symple lambe his necke doth out extende
Vnto the Bocher his mortall ennemy
So doth these folys, sekynge a shamefull ende
And theyr owne deth, though they myght fynde remedy
O blynde fole I requyre the to aply
Vnto my wordes and thou shalt here and se.