Of enuyous Folys.
Yet ar mo folys whiche greatly them delyte
In others losse, and that by fals enuy
Wherby they suche vnrightwysly bacbyte
The dartis of suche ouer all the wordly flye
And euer in fleynge theyr fethers multyply
No state in erth therfro can kepe hym sure
His sede encreasyth as it wolde euer endure
Wastynge enuy oft styreth to malyce
Folys nat a fewe whiche ar therto enclynyd
Pryckynge theyr frowarde hertes vnto vyce
Of others damage reioysynge in theyr mynde
Enuyes darte doth his begynnynge fynde
In wrathfull hertes, it wastyth his owne nest