Wherfore correct thy selfe whyle thou art here.
Of folysshe Fesycyans and vnlerned that onely folowe paractyke knowynge nought of the speculacyon of theyr faculte.
Who that assayeth the craft of medycyne
Agaynst the seke and paynfull pacyent
And hath no insyght cunnynge nor doctryne
To gyue the seke, helth and amendement
Suche is a fole, and of a mad intent
To take on hym by Phesyke any cure
Nat knowynge of man, nor herbe the right nature
Yet be mo folys vpon the grounde and londe
Whiche in our Shyp may clayme a rowme and place
Suche be Phesycians that no thynge vnderstonde
Wandrynge about in euery towne and place