Syns I haue taken the charge one me
Mo botis and Barges for Folys to aparayle
And so agayne of newe to take the se
I feryd lyst company shulde me fayle
Within my folysshe shyppis to trauayle
But nowe doth beggers them selfe to me present
For fewe of them I fynde of good intent
A great company of folys may we fynde
Amonge beggers, whiche haue theyr hole delyte
In theyr lewde craft: wherfore I set my mynde
In this Barge theyr maners, brefely for to write
For thoughe that nede them greuously do byte.
Yet is theyr mynde for all theyr pouerte
To kepe with them of children great plente
And though that they myght otherwyse well lyue
And get theyr lyuynge by labour and besynes