Chinchona Crispa (Tafalla).
(From Howard's 'Nueva Quinologia de Pavon.')
Chinchona Crispa. Quina fina de Loja, Cascarilla crespilla buena, Quina Carrasqueña, Tafalla M.S. sec. Ruiz in M.S. Compendio, Mus. Brit.
C. Condaminea. H. et B. specimen florif. in pl. x. Pl. Equin. exclus. specim. fructif. et descriptione.
C. Chahuarguera, varietas (tertia). Pavon, Nueva Quinologia.
Capsule and parts of the flower of Chinchona Succirubra.
CHINCHONA SUCCIRUBRA.
(From Howard's 'Nueva Quinologia of Pavon,' No. iii.)
Chinchona Succirubra.—Foliis oppositis, petiolatis, ovatis ovalibusque; petiolis nervisque rubicundis, glabris, nitidis; pedunculis racemoso-paniculatis.
Arbor 6-7 orgyalis.
Truncus solitarius, erectus; aliquoties duo tresve ex eadem radice repullulant. Coma frondosa ramosaque. Lignum compactum.
Cortex fuscus, nonnullis maculis albicantibus; rimis transversalibus horizontalibusque.
Rami erecti, nonnulli horizontales, teretes, teneri pubescentes.
Folia opposita, petiolata, ovata ovaliaque, integerrima, acumine brevissimo, nonnulla subrotunda, glabra, superne parum nitida, nervosa, venosa, venis reticulatis, nervis venisque villosis, tenuia marginibus retroflexis. Folia superiora, floralia petiolata, lanceolata, nonnulla sublinearia.
Petioli subteretes, basi crassiores, pubescentes, rubicundi sicuti nervi.
Stipulæ duæ, interfoliaceæ, supra-axillares, oppositæ, subamplexicaules, oblongæ, sessiles, integerrimæ, parum concavæ, cauli appressæ, deciduæ.
Pedunculi communes, axillares terminalesque, racemoso-paniculati, pubescentes. Partiales oppositi alternique, pubescentes.
Pedicelli bracteolis lanceolato-subulatis, parvis, concavis, deciduis, ad basim et in medio rubicundo.
Flores pedicellati, nonnulli sessiles.
Corolla rubicunda, marginibus laciniarum ciliatis, villis albicantibus.
Capsula oblonga, parum incurva, immatura rubicunda, bivalvis, basi hians. Receptaculum lanceolatum.
Semina alis dilaceratis.
Habitat ad radices collium, ad declivia Sancti Antonii, in via ad Huaranda Provinciæ Quitensis, locis frigidis.
Floret Julio et Augusto.
Vulgo. Cascarilla Colorada.
In arborum corticumque amputatione, succum lacteum primum profluit; postea, in colorem intense rubicundum transmutatur, unde Cascarilla Colorada nomen oritur.
Chinchona Succirubra (Pavon MSS.) arborea; ramis teretibus; ramulis obtuso-angulatis flavido-pubescentibus; foliis membranaceis magnis latissime ovatis petiolatis, utrinque brevissime attenuatis, supra saturate viridibus glabris subnitidis, subtus pallide viridibus puberulis, ad costam nervosque primarios pubescentibus; petiolis semiteretibus puberulis, supra canaliculatis; stipulis oblongis obtusis carinatis subpuberulis caducis; floribus congestis in paniculam terminalem interruptam dispositis; ramis floriferis pedunculatis pubescentibus erectis compressis trichotomo-ramosis, inferioribus foliosis superioribus bracteatis; bracteis subpersistentibus oblongo-linearibus, extus subpubescentibus carinatis basi attenuatis; calycibus turbinatis, basi bracteola minuta suffultis, tubo dense albido pubescente, limbo cupulari quinque-dentato rubescente sparsim pubescente, dentibus brevibus latis acutis, dorso carinatis; corollis hypocraterimorphis brevissime pubescentibus, tubo inferne attenuato, limbo quinquefido, laciniis ovatis acutis, intus longe (ad siccam) luteo-barbatis; staminibus subinclusis glabris; stylo versus basim attenuato; stigmate bipartito incluso.