(From Spruce's Report, p. 104, described from fresh specimens.)
Chinchona succirubra, Pavon.
Hab.—In sylvis primævis cordilleræ occidentalis Andium Quitensium præcipue ad radices montis nivosi Chimborazo, alt. 2000-5000 ped. Angl. (610-1520 metr.) supra mare.
Descr.—Arbor pulcherrima, 50-80 pedalis; caudice recto circumferentiâ 4-usque ad 10-pedali; comâ symmetricâ elongatâ, ramis infimis longioribus deinde superioribus sensim decrescentibus paraboloideâ, vel ramis infimis iis proxime sequentibus sub-brevioribus ovoideâ.
Cortex, caudicis ubi lichenibus non obvelatus est fusco-badius, haud profunde longitudinaliter rimosus, demum etiam rimulis transversalibus fissus; ramulorum annotinorum rufescens, novellorum e viridi cinerascens secus apicem rubescens.
Succus ecoloratus, cortice autem inciso, in lucem aeremque susceptus exinde sæpius albescit, postea sensim albescit.
Rami decussati, angulo 50°-80° adscendentes, teretes, e foliorum stipularumque cicatricibus annulati; novelli tamen tetragoni foliosi fragiles succosi, pube brevi deciduâ densiuscule vestiti.
Folia opposita decussata, cujusque ramuli 4-6 paribus contemporalibus, cujusque paris inter se subæqualia raro valde inæqualia, sæpe perfecte ovalia, secus paniculas ovato-ovalia, raro rotundato-ovalia, basi in petiolum sensim abrupteve attenuata, apice abrupte acuta vel levissime acuminata rarius rotundata, nitida subcoriacea (fragilissima tamen) læte viridia ad luteum potius quam ad cæruleum vergentia, ætate tota sanguinea, suprà sparse decidue puberula et inter venas plus minus bullato-elevata, subtus pubescentia, raro in utraque facie glabrata; venis 11-12 cujusque lateris, angulo 56°-59° cum costâ tereti (siccando complanatâ) efformantibus, subtus prominulis, a costâ ultrà, medium rectis dein sensim incurvantibus et prope marginem anastomosantibus; petiolo tereti, e folii laminâ decurrente suprà lineis duabus parum elevatis percurso, tomentello. Folia ramulorum tenuiorum nonnunquam ovali- vel etiam obovato-lanceolata.
Stipulæ interpetiolares deciduæ erecto-patulæ ligulato-oblongæ obtusæ ad costam carinatæ, basi subventricosæ superne explanatæ, reticulato-venosæ, sub-puberulæ, juniores pallide virides, adultiores basi roseæ vel etiam totæ sanguineæ.
Pedunculi ex axillis foliorum superiorum minorum lanceolatorum (v. etiam ad bracteas lineari-lanceolatas subulatasve redactorum) orti, subinde paniculam elongatam pedalem vel etiam sesquipedalem efformantes, tomentosi, bis terve decussatum pinnati dein trichotomi; divisionibus basi bracteatis sæpe indistincte oppositis v. plane alternis. Pedicelli calycesque basi bracteolis minutis rigidis sanguineis ovato-lanceolatis basi utrinque unidentatis suffulti.
Calyx parvus dense appresso-puberulus; tubus subturbinato-hemisphæricus; limbus cupulatus fere ad medium usque in lobos 5 lato-triangulares carinatos, apicibus sinubusque acutis, fissus, pubescens raro subglabratus, persistens.
Corolla calycem fere 5-ies excedens, extus dense puberula, ante anthesin clavata postea hypocraterimorpha; tubus elongato-truncato-obconicus, intus glaber; limbus e lobis 5 patulis valvatis elongato-ovato-lanceolatis, margine apiceque villis densis albis (siccando flavidis) barbatis.
Stamina, corollæ tubum paululum superantia; filamenta glabra compressa à basi fere ad medium usque cum corollâ concreta; antheræ elongatæ lineares.
Stylus teres; stigma subemersum e lobis duobus ovato-lanceolatis crassis faciebus unisulcis erecto-patulis constans.
Capsula stricta curvulave tenui-ovoideo-fusiformis à basi dehiscens, valvulis dorso costis 5 parum elevatis percursis.
Semina anguste subovali-lanceolata sæpius asymmetrica, alâ margine lacero-fimbriatâ ciliatâ, basi angustata et ibidem integra bilobave.
CHINCHONA CALISAYA.
(From Weddell's 'Histoire Naturelle des Quinquinas,' p. 30.)
C. foliis oblongis vel lanceolato obovatis, obtusis, basi attenuatis, rarius utrinque acutis, glabratis, nitidis vel subtus pubescentibus, in axillis venarum scrobiculatis; filamentis quam dimidia anthera plerumque brevioribus; capsula ovata, flores longitudine vix æquante; seminibus margine crebre fimbriato-denticulatis.
α Calisaya vera, arbor foliis oblongo- vel lanceolato-obovatis, obtusis.
β Calisaya Josephiana, frutex, foliis oblongo- vel ovato-lanceolatis, acutiusculis.
α. Calisaya Vera.
Arbor excelsa, trunco recto vel e basi arcuatim ascendente, nudo, crassitudinem corporis humani duplam non infrequenter excedente. Coma frondosa incolas omnes sylvæ ferme superans.
Cortex trunci crassus. Peridermis ejusdem quam in omnibus fere generis speciebus crassior, e libro facile solubilis et avulsa ad hujus superficiem sulcos impressionesve sculpturas referentes detegens, rimis parallelis verticalibus et scissuris transversalibus plus minus annularibus ornata, albida vel etiam nigricans. Ramorum peridermis dealbata aut lichenum thallis diverse marmorata, rimis magis sinuatis et scissuris angustioribus exculpta; aliis annularibus distantibus, aliis brevioribus subapproximatis. In ramulis denique cortex tenuis est, lævigatus et fusco-olivaceus vel nigricans.
Folia oblongo vel lanceolato-obovata (3 to 6 inches) 8-15 cm. long; (1 to 2 inches) 3-6 cm. lat. obtusa, basi acuta aut leviter attenuata, molliuscula, patula, supra glaberrima, nitore scilicet velutino a cellulis epidermidis prominentibus orto condecorata, obscure virentia, venis pallidioribus, parum conspicuis, subtus dilute smaragdina, glabrata, in axillis venarum scrobiculata, scrobiculis ab antica pagina vix manifestis. Petiolus 1 cm. long., virescens, rarius cum costa rubescens. In arbore juniori folia sæpius utrinque acutiuscula sunt, flaccida, læte viridia, eximie velutina, costa et petiolo roseis, nervis supra lacteo-albidis et limbo persæpe maculis roseosanguineis insignito paginaque inferiori plus minus purpurascenti.
Stipulæ oblongæ, obtusissimæ, petiolis longiores vel subæquales, glaberrimæ, basi interna glandulis parce obsitæ.
Panicula Florifera ovata vel subcorymbosa, vix multiflora, pedunculis pedicellisque (2-4 mm. long.) pubescentibus. Bracteæ lanceolatæ.
Calyx pubescens, limbo-crateriformi, dentibus brevibus, triangularibus.
Corolla 9-10 cm. long., tubo cylindrico vel basi subpentagono, et leviter angustato, in angulis interdum fisso, carneo-albescente, laciniis lanceolatis, superne roseis, villis marginalibus candidis.
Stamina in medio tubo latentia; filamenta glabra, dimidiis antheris breviora.
Stylus tubum fere æquans, stigmatis lobis linearibus, subexsertis, viridescentibus.
Panicula Fructifera laxiuscula, haud raro valde depauperata, pedunculis puberulis.
Capsula ovata (.4 to .6 of an inch) 10-15 mm. long., latitudine sua vix duplo longior, basi rotundata, ecostata, glabrata, sub maturitatem rubiginosa, dentibus coronæ brevibus, erectiusculis.
Semina elliptico-lanceolata, margine fimbriato-denticulata, denticulis approximatis, obtusiusculis; nucleo tertiam seminis partem circiter æquante.
Habitat in declivibus et præruptis montium, ad altitud. 1500-1800 m. fervidissimas inter valles Bolivæ et Peruviæ meridionalis, sylvas incolit, inter 13°-16° 30' S. lat., nempe in provinciis Bolivianis Enquisivi, Yungas, Larecaja, et Caupolican dictis, et in provincia Caravaya Peruvianorum.
Floret Aprili et Maio.
β. C. Josephiana.