Squamea Cinyphei tenuis membrana Chelidri,
Vivacisq; jecur cervi; quibus insuper addit
Ora caputq; novem cornicis secula passæ.
His et mille aliis, postquam sine nomine rebus
Propositum instruxit mortali barbara munus
Arenti ramo jampridem mitis olivæ
Omnia confudit, summisq; immiscuit ima.
Ecce vetus calido versatus stipes aheno
Fit viridis primo, nec longo tempore frondes
Induit, et subito gravidis oneratur olivis.