At quacunq; cavo spumas ejecit aheno
Ignis, et in terram guttæ cecidere calentes,
Vernat humus, floresq; et mollia pabula surgunt.
Quæ simulac vidit, stricto Medea recludit
Ense senis jugulum, veteremq; extare cruorem
Passa replet succis, quos postquam combibit Æson,
Aut ore acceptas, aut vulnere, barba comœq;
Cunitie posita, nigrum rapuere colorem.
Pulsa fugit macies: abeunt pallorq; situsque:
Adjectoq; cavæ supplentur corpore rugæ;