Cum rerum obduxit species obnubilus Aer
Nec fragor impulsas aut vox allabitur aures,
Ut nullo intuitu mens jam defixa, recedit
In sese, et vires intra se colligit omnes?
Ut magno hospitio potitur, seque excipit ipsa
Totam intus; seu jussa Deum discumbere mensis.
Nam neque sic illam solido de marmore tecta
Nec cum porticibus capiunt laquiaria centum
Aurea, tot distincta locis, tot regibus apta,
Quæsitæque epulæ, Tyrioque instructus ab ostro;