Ut gaudet sibi juncta, sibique intenditur ipsa,
Ipsa sibi tota incumbens, totamque pererrans
Immensa immensam spatio longeque patentem.
Seu dulces inter latebras Heliconis amæni,
Et sacram Phœbi nemorum divertitur umbram,
Fœcundum pleno exercens sub pectore numen;
Seu causas rerum occultas, et semina volvit,
Et queis fœderibus conspirent maximus Æther
Neptunusque Pater, Tellusque, atque omnia gignant;
Sive altum virtutis iter subducit, et almus