Cur supra bellum Thebanum, & funera Trojæ,
Non alias alii quoque res cecinere Poetæ?
Quo tot facta virum toties cecidere? neque usquam
Æternis famæ monimentis insita florent?
Verum, ut opinor, habet novitatem Summa, recensq;
Natura est Mundi, neque pridem exordia cepit.
Quare etiam quædam nunc artes expoliuntur.
Nunc etiam augescunt; nunc addita navigiis sunt.
Multa: modo organici melicos peperere sonores.
Denique Natura hæc rerum, ratioque reperta est