Suche as he axeth fore / loke ye plese hym to pay,
þañ hold it to hym̅ a brode, his body þer-in to array;
his gurdelle, if he were, be it strayt or lewse;
Set his garment goodly / aftur as ye know þe vse;
take hym̅ hode or hatt / for his hed[242a] cloke or cappe de huse;
So shalle ye plese hym̅ prestly, no nede to make excuse
Wheþur hit be feyre or foule, or mysty alle withe reyñ.
Or youre mastir depart his place, afore þat þis be seyñ,
to brusche besily about hym̅; loke all be pur and playñ
wheþur he were sateñ / sendell, vellewet, scarlet, or greyñ.