[ Prynce] or prelate if hit be, or any oþer potestate,
or he entur in to þe churche, be it erly or late,
perceue all þynge for his pewe þat it be made preparate,
boþe cosshyñ / carpet / & curteyñ / bedes & boke, forgete not that.
Thañ to youre souereynes chambur walke ye in hast;
all þe cloþes of þe bed, them aside ye cast;
þe Fethurbed ye bete / without hurt, so no feddurs ye wast,
Fustiañ[243] and shetis clene by sight and sans ye tast.
Kover with a keuerlyte clenly / þat bed so manerly made;
þe bankers & quosshyns, in þe chambur se þem̅ feire y-sprad,