boþe hedshete & pillow also, þat þe[y] be saaff vp stad,
the vrnelle & basoñ also that they awey be had.
Se the carpettis about þe bed be forth spred & laid,
wyndowes & cuppeborde with carpettis & cosshyns splayd;
Se þer be a good fyre in þe chambur conveyed,
with wood & fuelle redy þe fuyre to bete & aide.
Se þe privehouse for esement[244] be fayre, soote, & clene,
& þat þe bordes þer vppoñ / be keuered withe clothe feyre & grene,
& þe hoole / hym self, looke þer no borde be sene,
þeroñ a feire quoschyñ / þe ordoure no mañ to tene