Of alle oþur estates to a messe ye may sette foure / & foure,
as suche persones as ar peregalle to a squyere of honoure:
Sargeaundes of lawe / & hym̅ þat hath byñ meyre of londoñ aforne,
and þe mastyrs of þe chauncery, þey may not be forborne.
Alle prechers / residencers / and persones þat ar greable,
Apprentise of lawe In courtis pletable,
Marchaundes & Frankloñȝ, worshipfulle & honorable,
þey may be set semely at a squyers table.
These worthy Estates a-foreseid / high of renowne,
Vche Estate syngulerly in halle shalle sit a-downe,