that none of hem se othure / at mete tyme in feld nor in towne,
but vche of þem̅ self in Chambur or in pavilowne.
Yeff þe bischoppe of þe provynce of Caunturbury
be in þe presence of the archebischoppe of yorke reuerently,
þeire seruice shalle be kouered / vche bisshoppe syngulerly,
and in þe presence of þe metropolytane none oþer sicurly.
yeff bischopps of yorke provynce be fortune be syttynge
In þe presence of þe primate of Englond þañ beynge,
þey must be couered in alle þeyre seruynge,
and not in presence of þe bischoppe of yorke þere apperynge.