dothe ete a parte of himselfe rather than the other fisshes sholde ete him hole and all.
[Cap. xiii.]
BOrbotha be fisshes very slepery, somewhat lyke an ele / hauinge wyde mouthes & great hedes / it is a swete mete / and whan it is xij. yere olde, than it waxeth bigge of body. Butt, or Flounder (Russell, [l. 735], and note 2). Nota / Botte that is a flounder of the fresshe water / & they swimme on the flatte of their body, & they haue finnes rounde about theyr body & with a sothern wynde they waxe fatte / & they have rede spottis. Bream (Russell, [l. 745], [578]). Brenna is a breme, & it is a fisshe of the riuer / & whan he seeth the pyke that wyll take hym / than he sinketh to the botom of the water & maketh it so trobelous that the pyke can nat se hym.
[Cap. xiiii.]
BAlena is a great beste in the see, and bloweth moche water from him, as if it were a clowde / the shippes be in great daunger of him somtyme / & they be sene moste towardes winter / for in the somer they be hidden in swete brod places Are seen most in winter; breed in summer. of the water where it casteth her yonges, & suffereth so grete payne that than he fleteth aboue the water as one desiringe helpe / his mouth is in the face, & therefore he casteth the more water / she bringeth her yonges forthe lyke other bestis on erthe, & it slepeth / In rough weather Balena puts her young in her mouth. in tempestius weder she hydeth her yonges in her mouthe / and whan it is past she voydeth them out agayne / & they growe x. yere.
[ Cap. xvi.]
CAncer the creuyce is a Fishe of the see that is closed in a harde shelle, hauyng many fete and clawes / and euer it crepeth bacward / & the he hathe two pynnes on his bely, & How they engender, the she hathe none / whan he wyll engender, he climmeth on her bake, and she turneth her syde towardes him, & so they fulfyll their workes. In maye they chaunge their cotes, and hybernate. & in winter they hyde them fiue monethes duringe / whan the creues hath dronken milke it may leue longe without water. when he is olde, he hathe ij. stones in his hed with rede spottes that haue great vertue / for if they be layde in drynke / they withdryue the payne frome the herte. How the Crayfish manages to eat Oysters. the creuyce eteth the Oysters, & geteth them be policye / for whan the oyster gapeth, he throweth lytell stones in him, and so geteth his fishe out, for it bydeth than open.
¶ The Asshes of hym is gode to make white tethe / & to kepe the motes out of the clothes / it withdryueth byles, &
heleth mangynes. The creuyce of the fresshe water geueth gret fode, but it is an heuy mete to disieste.