[ Cap. xviij.]
CAucius is a fisshe that will nat be taken with no hokes / but eteth of the bayte & goth his way quyte. Capitaius. Capitaius is a lytel fisshe with a great hede / a wyde rounde mouthe / & it hydeth him vnder the stones. Carp. Nota. Carpera is a carpe, & it is a fysshe that hathe great scales / and the female hathe a great rowghe, & she can bringe forthe no yonges tyll she haue receyued mylke of her make / & that she receyueth at the mouth / Is difficult to net. and it is yll for to take / for whan it perceyueth that it shalbe taken with the net, than it thrusteth the hede into the mudde of the water / and than the nette slyppeth ouer him whiche waye soeuer it come; & some holde them fast be the grounde, grasse / or erbis, & so saue themselfe.
[ Cap. xix.]
CEtus is the greatest whale fisshe of all / his mouthe is so wyde that he bloweth vp the water as yf it were a clowde / wherwith he drowneth many shippes / but whan the maryners spye where he is / than thei accompany them a gret many of shyppes togeder about him with diuers instrumentis of musike, & they play with grete armonye / Likes Harmony. & the fische is very gladde of this armonye / & commeth fletynge a-boue the watere to here the melody, Gets harpooned, & than they haue amonge them an instrument of yron, the whiche they festen in-to the harde skinne, & the weght of it synketh downwarde in to the fat & grese / & sodenly with that al the instrumentes of musike be styll, and the shyppes departe frome thens, & anone he sinketh to the grownde / & he feleth that the salt watere smarteth in the wounde, rubs the harpoon into himself, and slays himself. than he turneth his bely vpwaerd and rubbeth his wownde agaynst the ground, & the more he rubbeth, the depere it entreth / & he rubbeth so longe that he sleeth hymself / and whan he is dede, than commeth he vp agayne and sheweth him selfe dede / as he dyd before quicke / and than the shippes gader them togeder agayne, and take, & so lede hym to londe, & do theyr profyte with hym.
[ Cap. xxij.]
COnche be abydynge in the harde shellis: as the mone growth or waneth, so be the conches or muscles fulle or nat full, but smale / & there be many sortes of conches or musclys / but the best be they that haue the perles in.
[ Cap. xxiij.]
COochele / is a snayle dwellinge in the water & also on the londe / they go out of theyr howses / & they thruste out
.ij. longe hornes wherwith they fele wether they go / for they se nat where they crepe.