THe Conger is a se fisshe facioned like an ele / but they be moche greter in quantyte / & whan it bloweth sore, than waxe they fatte. Polippus. ¶ Polippus is also a stronge fisshe that onwarse he wyl pull a man out of a shyp. yet the conger is so stronge that he wyll tere polippum asonder with his teth, & in winter the conger layth in the depe cauernes or holes of the water. & he is nat taken but in somer. ¶ Esculapius sayth. Corets. [Coretz] is a fisshe that hydeth hym in the depe of the water whan it rayneth / for yf he receiued any rayne, he sholde waxe blynde, and dye of it. ¶ Iorath sayth. Sea-crevice. [The fisshes that be named se craues] / whanne they haue yonges / they make suche noise that through theyr noyse they be founde and taken.
[ Cap. xxvij.]
DElphinus is a monster of the see, & it hath no voyce, but it singheth lyke a man / and towarde a tempest it playeth vpon the water. Some say whan they be taken that they wepe. The delphin hath none cares for to here / nor no nose for to smelle / yet it smelleth very well & sharpe. And it slepeth vpon the water very hartely, that thei be hard ronke a farre of / and thei leue C.xl. yere. & they here gladly playnge on instrumentes, as lutes / harpes / tabours / and pypes. They loue their yonges very well, and they fede them longe with the mylke of their pappes / & they haue many yonges, & amonge them all be .ij. olde ones, that yf it fortuned one of the yonges to dye, than these olde ones wyll burye them depe in the gorwnd [sic] of the see / because othere fisshes sholde nat ete thys dede delphyn; so well they loue theyr yonges. There was ones a kinge that had taken a delphin / whyche he caused to be bounde with chaynes fast at a hauen where as the shippes come in at / & there was alway the pyteoust wepynge / and lamentynge, that the kinge coude nat for pyte / but let hym go agayne.
[ Cap. xxxi.]
ECheola is a muskle / in whose fysshe is a precious stone / & be night they flete to the water syde / and there they receyue the heuenly dewe, where throughe there groweth in them a costly margaret or orient perle / & they flete a great many togeder / & he that knoweth the water best / gothe before & ledeth the other / & whan he is taken, all the other scater a brode, and geteth them away.
[ Cap. xxxvi.]
EChynus is a lytell fysshe of half a fote longe / & hath sharpe prykcles vnder his bely in stede of fete.
[ Cap. xxxvii.]
EZox is a very grete fisshe in that water danowe be the londe of hungarye / he is of suche bygnes that a carte with .iiij. horses can nat cary hym awaye / and he hath nat many bones, but his hede is full / and he hath swete fisshe lyke a porke, and whan this fysshe is taken, thanne geue hym mylke to drynke, and ye may carye hym many a myle, and kepe hym longe quicke.