FOcas is a see bulle, & is very stronge & dangerous / and Kills his wife and gets another. he feghteth euer with his wyf tyll she be dede / and whan he hath kylled her, than he casteth her out of his place, & seketh another, and leueth with her very well tyl he dye / or tyll his wyfe ouercome him and kylle hym / he bydeth alway in one place / he and his yonges leue be suche as they can gete. Halata. ¶ [Halata] is a beste that dothe on-naturall dedys / for whan she feleth her yonges quycke, or stere in her body / Takes her young out of her womb to look at ’em. than she draweth them out & loketh vpon them / yf she se they be to yonge, than she putteth them in agayne, & lateth them grow tyll they be bygger.
[ Cap. xl.]
GLadius is a fisshe so named because he is mouthed after the fascyon of a sworde poynt / and ther-fore often tymes he perseth the shyppes thorough, & so causeth them to be drowned. Aristotiles. Gastarios. Gastarios is a fisshe lyke the scorpion / and is but lytell greter than a spyder / & it styngeth many fisshes with her poyson so that they can nat endure nowhere / and he styngeth the dolphin on the hede that it entreth in-to the brayne. Glaucus. ¶ Isidorus. Glaucus is a whyte fissh that is but selden sene except in darke rayne weder / and is nat in season but in the howndes dayes.
[ Cap. xli.]
GObio is a smale longe fissh with a rounde body / full of scales and litell blacke spottys / and some saye they leue of drounde caryon / & the fisshers say contrarye, that they leue in clere watere in sandye graueil / and it is a holsom mete. Gravus. ¶ Grauus is a fisshe that hath an iye aboue on hys hede, and therwith he loketh vp, and saueth hym from them that wyll eat hym.
[ liii.]
LUcius is a pike / a fisshe of the riuer with a wyde mouthe & sharpe teth: whan the perche spieth him / he turneth his tayle towardes him / & than the pike dare nat byte him because of his finnes, or he can nat swalowe him because he is so sharpe / eats venomous beasts; he eteth venimous bestes, as todes, frogges, & suche like; yet it is sayde that he is very holsom for seke peple. He eteth fisshes almost as moche as himselfe / whan they be to bigge, than he byteth them in ij. peces, & swaloweth the one halfe first, & than the other / is begotten by a West Wind. he is engendered with a westerne wynde.
[ Cap. lvii.]
MUs marinus, the see mouse, gothe out of the water, & there she laith her egges in a hole of the erthe, & couereth the eges, & goth her way & bydeth frome them xxx. dayes, and than commeth agayne and oncouereth them, & than there be yonges, and them she ledeth into the water, & they be first al blynde. Musculus is the cock of Balena. Musculus is a fisshe that layth harde shellis, and of it the great monster balena receyueth her nature, & it is named to be the cocke of balena. Sea-weazle. Mustela is the see wesyll / she casteth her yonges lyke other bestes / & whan she hath cast them, yf she perceiue that they shall be founde, she swaloweth them agayne into her body, and than seketh a place wher as they may be surer without daunger / & than she speweth them out agayne.