They shulden maken [bichopes[64]] · her owen bretheren childre,
Other of som gentil blod · And so yt best semed,
And fostre none faytoures[64] · ne swich false freres,
To maken fat and fulle · and her flesh combren.
For her kynde were more · to y-clense diches
Than ben to sopers y-set first · and served with sylver.
A grete bolle-ful of benen · were beter in hys wombe,
And with the bandes of bakun · his baly for to fillen
Than pertryches or plovers · or pecockes y-rosted,
And comeren her stomakes · with curiuse drynkes