That maketh swyche harlotes · hordom usen,
And with her wikkid word · wymmen bitrayeth.
God wold her wonyynge · were in wildernesse,
And fals freres forboden · the fayre ladis chaumbres;
For knewe lordes her craft · treuly I trowe
They shulden nought haunten her house · so ho[m]ly[64] on nyghtes,
Ne bedden swich brothels · in so brode shetes,
But sheten her heved in the stre · to sharpen her wittes.
bandes] ? randes. Sk.