Swere noon ooþis; speke no ribaudie.
Þe beste morsels,—haue þis in remembraunce,—
Holli alwey þi silf to take do not applie.
Parte with þi felawis, for þat is curteisie.
Lete not þi trenchour be with many morsels;
And fro blaknes kepe weel þi nailis.
Of curtesie it is aȝen þe lawe,
With dishoneste, sone, for to do difence;
Of oolde forfetis vpbraide not þi felawe;
Towarde þi souereyn do euere reuerence.