Pleie with no knif, take hede to my sentence;
At mete & at soper kepe þee stille & softe,
And eek to & fro meeue not þi feeþ to ofte.
Droppe not þi brest with seew & oþer potage,
Bringe no foule knyues vnto þe table;
Fille not þi spoon lest in þe cariage
It scheede bi side, it were not commendable.
Be quik & redi, meke & seruiable,
Weel awaitinge to fulfille anoon
What þat þi souereyn commaundiþ to be doon.