A muche man, as me thoughte · and like to myselve,
Cam and called me · by my kynde name.
"What artow," quod I tho, · "that thow my name knowest."
"That woost wel," quod he, · "and no wight bettre."
"Woot I what thou art?" · "Thought," seide he thanne;
"I have sued[47] thee this seven yeer, · seye[48] thou me no rather."[49]
"Artow Thought," quod I thoo, · "thow koudest me wisse,
Where that Do-wel dwelleth, · and do me that to knowe."
"Do-wel and Do-bet, · and Do-best the thridde," quod he,
"Arn thre fair vertues, · and ben noght fer to fynde.