Who so is trewe of his tunge, · and of his two handes,
And thorugh his labour or thorugh his land, · his liflode wynneth,[50]
And is trusty of his tailende, · taketh but his owene,
And is noght dronklewe[51] ne dedeynous,[52] · Do-wel hym folweth.
Do-bet dooth ryght thus; · ac he dooth much more;
He is as lowe as a lomb, · and lovelich of speche,
And helpeth alle men · after that hem nedeth.
The bagges and the bigirdles, · he hath to-broke hem alle
That the Erl Avarous · heeld and hise heires.
And thus with Mammonaes moneie · he hath maad hym frendes,