Tho were faitoures aferde, and feyned hem blynde; 115
Somme leyde here legges aliri, as suche loseles conneth,
And made her mone to Pieres, and preyde hym of grace:
'For we haue no lymes to laboure with, lorde, ygraced be ȝe!
Ac we preye for ȝow, Pieres, and for ȝowre plow bothe,
Þat God of His grace ȝowre grayne multiplye, 120
And ȝelde ȝow of ȝowre almesse þat ȝe ȝiue vs here;
For we may nouȝte swynke ne swete, suche sikenesse vs eyleth.'
'If it be soth,' quod Pieres, 'þat ȝe seyne, I shal it sone asspye.