And I am his olde hyne, and hiȝte hym to warne 125
Which þei were in þis worlde his werkemen appeyred.
Ȝe wasten þat men wynnen with trauaille and with tene,
Ac Treuthe shal teche ȝow his teme to dryue,
Or ȝe shal ete barly bred and of þe broke drynke.
But if he be blynde, [or] broke-legged, or bolted with yrnes, 130
He shal ete whete bred and drynke with myselue,
Tyl God of his goodnesse amendement hym sende.
Ac ȝe myȝte trauaille as Treuthe wolde, and take mete and huyre
To kepe kyne in þe felde, þe corne fro þe bestes,