Rachel also had the same peyn,
She had a son Joseph, that of Egypt was kynge.
A strongere than Sampson nevyr was be wrytynge,
Nor an holyere than Samuel, it is seyd thus;
ȝett here moderes were bareyn bothe in the gynnynge;
The concepcion of alle swyche, it is ful mervelyous.
And in the lyke wyse Anne, that blyssyd wyff,
Sche xal bere a childe xal hygthe Mary,
Whiche xal be blyssyd in here body and have joys ffyff,
And fful of the Holy Goost inspyred syngulyrly.