Sche xal be offryd into the temple solemply,
That of here non evyl ffame xuld sprynge thus,
And as sche xal be bore of a barrany body,
So of here xal be bore without nature Jhesus,
That xal be savyour unto al mankende!
In tokyn, whan thou come to Jherusalem, to the gyldyn gate,
Thou xalt mete Anne thi wyff, have this in thi mende;
I xal sey here the same here sorwys to rebate.
Joachym. Of this incomparabyl comfort I xal nevyr forgete the date,
My sorwe was nevyr so grett, but now my joy is more;