I xal hom in hast, be it nevyr so late.
A, Anne! blyssyd be that body of the xal be bore!
Now farewel, myn shepherdys, governe ȝow now wysly.
Primus pastor. Have ȝe good tydynges, mayster? than we be glad!
Joachym. Prayse God for me, for I am not wourthy!
Secundus pastor. In feyth, sere, so we xal with alle oure sowlys sad.
Tertius pastor. I holde it helpfful that on of us with ȝow be had.
Joachym. Nay, abyde with ȝour bests, sone, in Goddys blyssynge.
Primus pastor. We xal make us so mery now this is be-stad,
That a myle on ȝour wey ȝe xal here us synge.