But with the suete bred of love and charyté,
Weche ffortefyet the soule gretlye.
And it schuld ben etyn with the byttyr sokelyng,
That is to mene, ȝyf a man be of synful dysposycion,
Hathe led his lyff here with myslevyng,
Therfore in his hert he xal have byttyr contrycion.
Also the hed with the feet ete xal ȝe,
Be the hed ȝe xal undyrstand my Godhed,
And be the feet ȝe xal take myn humanyté,
These tweyn ȝe xal receyve togedyr in dede.