This immaculat lombe that I xal ȝow ȝeve,
Is not only the Godhed alone,
But bothe God and man, thus must ȝe beleve;
Thus the hed with the feet ȝe xal receyve eche on.
Of this lombe un-ete yf owth belevyth i-wys,
Yt xuld be cast in the clere fyre and brent;
Weche is to mene, yf thou undyrstande nowth al this,
Put thi feyth in God, and than thou xalt not be shent.
The gyrdyl that was comawndyd here reynes to sprede,
Xal be the gyrdyl of clennes and chastyté;