Mesika tikegh klatawa saghalie Takhoma, hyiu pelton. Halo tilikum mamook okoke pe mitlite. Hyas tyee mitlite kopa saghalie illahee kopa hyiu piah. Wake tikigh tilikum chako kopa yahka illahee.
Ahnkuttie nika papa yahka papa, hyas skookum tyee kopa konaway Yakima tilikum, klatawa wake siah yahka la tet. Alta nanich piah chuck pe keekwulee tyee chako mimoluse yahka pe hyak klatawa keekwulee saghalie illahee, pe hyiu kloshe tumtum. Yahka wake mamook alta, halo ikt siwash mamook klatawa.
Kloshe mesika klatawa, kloshe mamook. Hyiu snow, kloshe klatawa snow illahee, ahnkuttie nika mimoluse Takhoma mowich kloshe ooakut. Alta mesika nanich klatawa hyiu stone, wake kloshe klatawa pe mesika teahwit tseepie alta mesika klatawa keekwulee pe mimoluse, keekwulee pe mimoluse. Mesika klatawa hyas mesachie snow pe keekwulee hyas mesachie illahee yahka Takhoma mowich halo klatawa. Mesika klatawa hyas saghalie illahee hyiu stone chako, hyiu stone chako, pe mesika mimoluse pe kokshut mesika.
Spose mesika klatawa kopa okoke saghalie illahee alta mesika hyiu skookum pe cole wind alta yahka mahsh mesika kopa keekwulee illahee pe mimoluse mesika. Spose mesika mitlite mesachie iktas hyas keekwulee tyee mitlite Takhoma mesika mimoluse pe mesika mahsh okoke piah chuck.
Wake mesika klatawa!
Mesika mamook nika tumtum kwass, spose mesika klatawa Takhoma saghalie. Mesika mimoluse mesika spose klatawa Takhoma. Mesika mimoluse pe mesika tilikum sollecks kopa nika.
Wake klatawa!
Wake klatawa!
Spose mesika klatawa, nika mitlite mokst sun pe alta nika klatawa kopa Olympia pe wawa kopa mesika tilikum alta mesika mimoluse siah saghalie Takhoma. Mesika potlatch pehpah kopa nika mamook kumtuks mesika mimoluse wake nika mesachie.
Kopet wawa nika.