Ferre pedem, et sanctas Regnorum evertere sedes.
Aspicis! Ipsa sui bacchatur sanguine Regis,
Barbaraque ostentans feralis signa triumphi,
Mole giganteâ campis prorumpit apertis,
Successu scelerum, atque insanis viribus audax.
At quà Pestis atrox rapido se turbine vertit,
Cernis ibi, priscâ morum compage solutâ,
Procubuisse solo civilis fœdera vitæ,
Et quodcunque Fides, quodcunque habet alma verendi
Religio, Pietasque et Legum fræna sacrarum.