Nec spes Pacis adhuc—necdum exsaturata rapinis
Effera Bellatrix, fusove expleta cruore.
Crescit inextinctus Furor, atque exæstuat ingens
Ambitio, immanisque irâ Vindicta renatâ
Reliquias Soliorum et adhuc restantia Regna
Flagitat excidio, prædæque incumbit opimæ.
Una etenim in mediis Gens intemerata ruinis
Libertate probâ, et justo libramine rerum,
Securum faustis degit sub legibus ævum;
Antiquosque colit mores, et jura Parentum