þ̵ ouer sæ weoren icumen; swiðe selcuðe gumen.
Jnne þere Temese; to londe heo weoren icummen.
þreo scipen gode; comen mid þan flode.
5 þreo hundred cnihten; Alse hit weoren kinges.
wið uten þan scipen monnen; þe weoren þer wið innen.
þis weoren þa færeste men; þat auere her comen.
Ah heo weore hæðene; þ̵ wes hærm þa mare.
Uortiger heom sende to; And axede hu heo weoren idon.
10 Ȝif heo grið sohten; ⁊ of his freond scipe rohten.
heo wisliche and swerden; Swa heo wel cuðen.