Hit beoð tiðende; Inne sæxe londe.
whær swa æi duȝeðe; gladieð of drenche;
þat freond sæiðe to freonde; Mid fæire loten hende.
leofue freond wæs hail; þe oðer sæið drinc hail.
275 þe ilke þat halt þene nap; he hine drinkeð up.
oder uul me þideR fareð; ⁊ bi techeð his iueren.
þenne þat uul beoð icumen; þenne cusseoð heo þreoien.
þis beoð sele laȝen; Inne saxe londe.
⁊ Inne alemaine; heo beoð ihalden aðele.
280 Þis iherde uortiger; of alchen uuele he wes war.